Noizpop recordings

THE CHERRY BOPPERS EN UN RECOPILATORIO DE VAMPISOUL

Bilboko taldea albiste dugu berriz ere. Oraingoan Vampisoul zigilu famatuak antolaturiko bilduma batean parte hartu dute: “Groovadelia, 21st Century Spanish Groove” (Vampi Soul). Bertan estatuko hainbat talde azaltzen dira, bere helburua funk estiloa jorratzen duten talde ezberdinak biltzea delarik. The Cherry Boppers taldearen "Potato Jumpy" abestia azaltzen da bilduman. Bilduma cd bikoitz moduan edota biniloan erosi daiteke.

Hona hemen bilduma osatzen duten taldeak eta abestiak:

CD 1
1. Guateque All Stars : Royale 2006 (4.10)
2. Speak Low: Thriller ( 5.27)
3. Phat Fred: I Turned You On ( 4.05)
4. Funxplosion: Freedom (4.13)
5. Ortophonk: La Chica Humeda (parte I y II) (5.31)
6. Pybus Groove Quartet : Friday Night (6.02)
7. The Sweet Vandals : I Got You,Man! (4.56)
8. Mojo Project : Good Luck (7.07)
9. Funkdacion: Get Up And Dance ( 3.40)
10. Donatore Di Groove- Wake up! (3.26)

CD 2
1. Clan Club: Get It & Get It On (extended version) (4.55 )
2. Cinnamon Gum : Tu M'énèrves (4.10)
3. Celofunk: Say It Loud!!! (5.27)
4. Asstrio: Pampi's Groove (4.59)
5. The Funk On Me: No Good 4 Me Now (4.55)
6. Los Fulanos: Soul Drummer (4.22)
7. The Cherry Boppers : Potato Jumpy (8.28)
8. Watch Out: A New One (6.04)
9. Koniec: Change Your Move (5.32)
10. The Sir Aligator's Company : Think (2.48)

Diskoa erosi nahi baduzu bidaliguzu email bat eta postaz bidaliko dizugu.

The Cherry Boppers.

Bilboko talde gazteak gure zigiluarekin bat egiten du. Jazz-funk, boogallo eta acid-jazz moduko estiloek bat egiten dute beren estreineko diskoan: "Dressin' the puppet". Dantzarako gogoak badituzu hau da zure taldea!.

Royal Canal.

Iñigo "Cabezafuego" musikari ezaguna da nafarroako musika eskenan. Iruña bertatik Mermaid eta The Basque Country Pharaons moduko taldeen buru izan da, azken urteotan sona haundia izan duten taldeak. Bestetik, egun Iñigo Atom Rhumbako teklatukolea ere bada. Eskenatoki baten gainean ikusi duenak badaki zer nolako mutila den Iñigo!

Orain bere inguruko konfiantzazko lagunekin bildu da eta Royal Canal taldea sortu du, zeintzuek melodia perfektuaren bila egiten duten, zirrara sortzen duten abestiak osatu dituzte estreineko lan honetan. Beste garai batzuetara garamatzaten abestiak, beste bizi erritmo bat azaltzen dutenak. Tabernan zein etxeko atarian, sutondoan abesteko kantak daude "Sail with Lord Alembic" disko honetan. Berton Atom Rhumba, Green Manalishi, El Columpio Asesino eta beste hainbat taldetako lagunak parte hartu dute diskoaren grabazioan.

Sweet Oblivion.

Sweet Oblivion Alfonso Arana musikariaren proiektu berria da. Getxoko Cujo taldearen konposatzaile nagusia eta burua, bakarka eginiko beren lehen lanarekin datorkigu. Disko honetan bere alderik akustikoena azaltzen digu, abesti eder eta sosegatuak. Alfonso Aranak 7 disko ditu grabatuak Cujorekin eta Cancer Moon taldeko kitarrajolea ere izan da. Rock amerikarra hizpide duten abestiak dira diskoan aurkitzen ditugunak, une akustikoak pasarte elektrikoei lekua uzten die. Hala nola, kantagintzaren tradiziorik hoberena jarraitzen dute, beren abestietan Dylan, Tom Petty, Steve Earle edota Neil Young-en eraginak aurki daitezkelarik.

Txakurkalea.

TXAKURKALEA David Civico eta recPLAY artistek hiria eta txakurren inguruan eginiko filma dokumentala da. Bilbo Zaharreko zazpi kaleetan bi urtetan zehar filmatua izan da (2004-2006) eta hiru urteko ibilbidea duen egitasmo baten zati bat baino ez da filma. Bestetik, musika beltzaren kutsu eta eragin zuzena duten Euskal Herriko hainbat musikari pelikularen jatorrizko soinu bandan parte hartu dute eta berau CD euskarrian bildu da Noizpop zigiluaren babesean. Aipatu, lana 45 orrialdeko azal gogorrez osaturiko "disko-liburu" moduko euskarrian saltzen dugula.

Audience.

Denboraldi luze bat isilean egon ondoren Gernikako taldea berriz ere martxan da. Laister beren hirugarren diskoa izango dena plazaratuko dugu.

Split 77.

Euskal Herriko rock musikan gehien itxaroten den diskoa. Split 77 talde bilbotarrak bere hirugarren diskoa izango dena 2007ko udaberrian plazaratuko du..